Kalo orang boleh tau apa yang tasambunyi di ombong
So pasti nda ada yang bangung pagi,
Ini kita tanya pa ngana pe foto
Yang tagantong so ba lawa-lawa
Di kamar bobou roko
Di jalan, orang-orang yang kita lia
Rupa ba bawa lampu kana
Kita jadi nda mangarti, sebab yang kita kanal
Cuma bangunan, cuma jalang
Deng kota ini pe nama manado
Apakah kita so lahir ulang?
Ato mungkin ini kota yang so gila
Samua so da pa lia satu warna
Tampa yang bisa kita dudu ba lia lao ba lia omba
Deng batunggu maitua, jadi sepi
Ini kota rupa dapa kutuk
Bekeng ontak jadi nda karuan
Sama deng tusa ba cari tampa bera,
Lama sekali kita di kafe sunyi
Ba lia orang, sapa tau ada yang kita kanal
2006
Tidak ada komentar:
Posting Komentar